Monday, March 14, 2011

Sapna

Kitna piyara sama hota jo apna milan hota
tu mujh pe marti maiN tujh per fidaa hota

teer-e-nazar se yeh mera dil shikaar hota
beqarar tu bhi hoti na hi mujhe qarar hota

zair-e-lub muskaan meiN chupa ishaara hota
nigahaa-e-mohabbat se yeh dil beyiman hota

uss samay meiN sirf tu hoti aur ek main hota
bahaon mein meri tera hasee.N wajood hota

tu mujh meiN khoti main tujh meiN samaya hota
sargooshiyooN meiN apnay piyar ka izhaar hota

zindagi-e-Amaan ko khudh per bohat naaz hota
gar yeh sapna kuch pal k liye hi haqeeqat hota

1 comments:

AJMANI61181 said...

Kitna piyara sama hota jo apna milan hota
tu mujh pe marti maiN tujh per fidaa hota

bahut khubsurat rachana\
urdu gyaan kaafi achcha, aabhaar

ajmani61181.blogspot.com

Post a Comment